neděle 19. července 2009

uff..czasu je mało..pisanio moc.. a dziyń mo ino 24 godzin... nasrat!

Wiym, żech je po zadku z artykulikami o filmfestovalu z Carlsbadu..ale jaksi nima na nic czas.. bo cały tydziyń żech z tatóm dach malowoł...a przez dziyń był rod, że dychóm, ażech se na słóńcu nie uparził, bo było fakt hnusnie ciepło. Dach je ale namalowany, tak se mogym zaś interesować innymi sprawami. Móm nadzieje, że se ku blogu w nejbliższym czasie zać dostanym... Jutro jadym na pore dni do Olmika za mojóm ukochanóm, ale nie myślcie se, że bydym ino se tak fakoł..bierym se robote..czyli zać jaksi pisani i czytani..tak bych móg aji cosi zrobić i od pracy fizycznej se odpocznyć niż se zaś chycym naciyranio dziadkowej garaży.

Wszystko mi jaksi uciyko..a jo se wakacje troche inaczym planowoł..no nic nima w życi taki, jak by se człowiek wyobrażoł.

Piekny dziyż Wóm wszystkim życzym:-)
Okomentovat